चर्चित गीत टाढा भए पनिका गायक उर्गेन दोङ शुक्रबार मध्यान्ह कार्यक्रमका लागि साइप्रस आइपुगेका छन् । लार्नाका विमानस्थलबाट आयोजकले दोङलाई भव्य स्वागत गरेको र शुक्रबार नै लिमासोल लगिएको बताएको छ ।
आउँदो नोभेम्बर ९ तारिख आइतबारका दिन लिमासोलमा हुन लागेको एक सांगीतिक कार्यक्रमका लागि उनी साइप्रस आएका हुन् । गायक दोङले उक्त दिन आफ्ना चर्चित गीतहरू पस्किने छन् ।
कार्यक्रममा उपस्थित हुनका लागि साइप्रसवासी नेपाली समुदायमा गायक दोङले समेत एक भिडियो मार्फत निम्ता बाँडेका छन् । कार्यक्रम लिमासोलमा रहेको नियो फियस्ता बेनक्विट हलमा बिहान १० बजेबाट शुभारम्भ हुनेछ भने उक्त कार्यक्रमको आयोजना गड ग्रेस सिएफले गर्न लागेको हो ।
