केहि समय पहिलाका चर्चित लोकदोहोरी गायक मिलन लामा साइप्रस आउने भएका छन् । फेब्रुअरी ९ तारिख हुन गइरहेको तामाङहरूको मौलिक पर्व सोनाम ल्होछारको अवसर पारेर उनी कार्यक्रमका लागि आउन लागेका हुन् ।
लिमासोलमा रहेको नेपाली रेस्टुरेन्ट गोर्खा किचनले सोनाम ल्होछारका लागि गायक लामालाई साइप्रस ल्याउन लागेको हो । गोरखा किचन कार्यक्रमको मुख्य आयोजकमा रहेको छ ।
कार्यक्रममा गायक मिलन लामाले आफ्ना चर्चामा रहेका माझी दाई पोखरा, छम्म छम्म नाचिदेउ, तामाङ सेलो लगायत अन्य गीतहरु प्रस्तुत गर्नेछन् । भने स्थानीय कलाकारहरूले पनि आफ्नो प्रस्तुति दिनेछन् । कार्यक्रमको पूर्ण विवरण लिएर छिटै आउने आयोजकले जानकारी गराएको छ । त्यसो त कार्यक्रम सम्बन्धीको पहिलो पोस्टर भने सार्वजनिक भई सकेको छ ।
कार्यक्रम लिमसोलमा रहेको नियो फियस्टा बेन्क्युट हलमा हुँदैछ । गायक मिलन लामाको यो साइप्रस आगमन दोस्रो पटक हो । यो भन्दा पहिला २०२३ फेब्रुअरी १२ तारिख नेपाल तामाङ घेदुङ साइप्रसद्वारा आयोजना गरिएको सोनाम ल्होछार विशेष कार्यक्रमकै लागि उनी साइप्रस आएका थिए ।
